Fotoja e Bernie Sanders që prej ditësh qarkullon në rrjet si meme do të vihet në shërbim të kauzave të bamirësisë. Gjatë inaugurimit të presidentit Bide, senatori i Vermontit u fotografua i ulur në karrige, ndërsa mbante veshur një xhup të trashë, një palë doreza dhe maskë. Një jetë e tërë në politikë nuk e ka bërë aq të famshëm jashtë SHBA-ve sa fotoja ulur në karrige.
Imazhi i tij bën xhiron e botës prej katër ditësh. I vendosur në çdo vend të mundshëm, në krah të të njerëzve të njohur e të panjohur, në skenat e filmave dhe në piktura, “Sanders në karrige” tashmë do të mund të mbahet edhe veshur.
Bluzat me foton e tij shiten për 45 dollarë dhe të ardhurat do të shkojnë për bamirësi. “Sanders në karrige” ka rezultuar një ide e suksesshme, pasi bluzat janë shitur plotësisht në pak orë. Tashmë, ata që e duan një të tillë dhe e porosisin online, duhet të presin 4-8 javë për ta marrë. Të ardhurat shkojnë për mensat ku ushqehen njerëzit në nevojë.
“Thjesht isha ulur dhe mbledhur nga i ftohti, ndërsa përpiqesha t’i kushtoja vëmendje asaj që po ndodhte”, e shpjegoi Sanders situatën në “Late Night with Seth Meyers” një ditë pas ceremonisë.
Ajo që bëri më shumë përshtypje te senatori i Vermontit ishin dorezat, të cilat u zbulua se ishin thurur me dorë nga një mësuese në Esexx Junction.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
