Tenderi për uniformat e policisë së shtetit që çoi në pranga 9 zyrtarë e ish-zyrtarë të Ministrisë së Brendshme ka qenë i treti në hetim nga SPAK për procedurat e ndjekura nga ky dikaster në garën e prokurimeve publike. Në dokumentat që spak ka dorëzuar në gjykatë për vlerësimin e masave të sigurisë flitet edhe për një procedim të mëparëshëm penal I regjistruar në 23 Qershor të 2020, për një tender të produkteve shtazore. Një muaj më vonë këtij hetimi do t`i bashkangjitej tenderi për lavanderinë, ndërsa në shtator të po këtij viti, SPAK-ut do t`i drejtoheshin deputetët e opozitës në lidhje me tenderin e unifirmave të policisë.
Pas 10 muajsh hetime SPAK arriti të zbardhë mekanizmin që coi deri në urdhërarrestet e disa zyrtarëve të ministrisë së brendshme.
Në materialin referues mbi të cilin është mbështetur dhe gjykata për vlerësimin e masave , prokuroria i është referuar një emaili të datës 22.08.2019, ku ish-drejtoresha e Prokurimeve Publike në Ministrinë e Brendshme, Edlira Naqellari, u është drejtuar anëtarëve të Komisionit të Vlerësimit të Ofertave, për mënyrën sesi duheshin vlerësuar ofertat e paraqitura për tënderin e uniformave.
Sipas saj, vlera referente duhet të ishte ajo e mesatares së çmimeve të marra në treg dhe jo e çmimit më të ulët, referuar praktikës së rekomanduar nga Agjencia e Prokurimeve Publike.
Kjo për shkak se sipas saj vendosja e alternativave në të dhënat teknike të artikujve, shkaktonte interpretime të gabuara tek operatorët ekonomike, si dhe problem në testimin e tregut, duke bërë që operatorë të ndryshëm të bazoheshin në alterativa të ndryshme në dhënien e çmimeve, pa analizuar efektivisht vlerën reale për një cilësi të caktuar të një artikulli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
