Zbulohet kostoja e kurorëzimit të mbretit Charles të Anglisë, ku llogaritë e qeverisë tregojnë se 72 milionë paund nga paratë e taksapaguesve janë shpenzuar për këtë event.
Një raport vjetor nga Departamenti për Kulturën, Median dhe Sportin (DCMS) tregon se u shpenzuan 50.3 milionë paund për kurorëzimin. Kësaj shume i shtohen edhe 21.7 milionë nga kostot e policisë për ngjarjen mbretërore.
Kurorëzimi u bë më 6 maj 2023, duke shënuar kurorëzimin e mbretit Charles III dhe bashkëshortes mbretëreshë Camilla.
Raporti i DCMS thotë se ngjarja e kurorëzimit u përfundua me sukses, duke u gëzuar nga miliona njerëz si në Mbretërinë e Bashkuar ashtu edhe në mbarë globin.
Ndër të tjera theksohet se shifra nuk përfshin kostot e bëra nga Ministria e Mbrojtjes, as këshillat vendorë, shërbimet e urgjencës apo organet e transportit.
E gjithë kjo ka të ngjarë të shtyjë faturën në mbi 100 milion paund.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
