Gjyqtarja e dytë e Gjykatës së re Kushtetuese, Elsa Toska është betuar pasditen e sotme në ambientet e Presidencës para Presidentit Ilir Meta.
Duke vendosur dorën mbi Kushtetutën e Shqipërisë, gjyqtarja Toska u betua para Presidentit Meta:
“Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë!”
Me betimin e gjyqtares Toska plotësohet vakanca e parë në Gjykatën Kushtetuese. Toska zëvendëson ish-gjyqtarin, Vladimir Kristo.
Toska i bashkohet Besnik Muçit në gjykatën më të lartë të vendit.
Pas betimit të Toskës, dhe Marsida Xhaferllari ka marrë zyrtarisht detyrën pasi ceremonisë së zhvilluar në presidencë.
Ky është plotësimi i vakancës së dytë të Presidentit që zëvendëson ish-gjyqtaren, Altina Xhoxhaj.
Duke vendosur dorën mbi Kushtetutën e Shqipërisë, gjyqtarja Xhaferllari u betua para Presidentit Meta: “Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë!”
Në Institucionin e Kreut të Shtetit u zhvillua sonte ceremonia e betimit përpara Presidentit të Republikës, Ilir Meta, të anëtarës së re të Gjykatës Kushtetuese, Fiona Papajorgji.
Ky është plotësimi i vakancës së dytë të Kuvendit që zëvendëson ish-gjyqtarin, z.Bashkim Dedja.
Duke vendosur dorën mbi Kushtetutën e Shqipërisë, gjyqtarja Papajorgji u betua para Presidentit Meta:
“Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë!”
Presidenti Meta i uroi shumë suksese dhe punë të mbarë në këtë detyrë shumë të rëndësishme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
