Situatën e krijuar në PD mes Berishës dhe Bashës mund ta zgjidhë vetëm Kuvendi Kombëtar. Dy të tilla janë thirrur nga Berisha dhe Basha, më 11 dhe 18 dhjetor. Në studion e MCN TV, avokati Redon Meksi tha se Kuvendi që arrin kuorumin prej 50% do të jetë përcaktues për rrugën që do të marrë partia.
Në PD ka një proces jolegjitim. Kemi statutin që ka një rregullore, Bardhi ka nxjerrë një rregullore të 2010-s, që nuk përshtatet me statutin aktual. Nuk ka sens logjik, as juridik. Duhet kuorumi i delegatëve. Ai që arrin 50%, ai Kuvend do të vlejë. Ai legjitimohet, delegatët janë. Nëse delegatët janë masivë në njërin apo tjetrin kuvend, atëherë ai vendos. Që të mblidhet kuvendi duhet të ketë 50% të anëtarëve prezent. Nëse kjo nuk arrihet, nuk ka çfarë vendimi të merret dhe kjo është e parashikuar në statut.
Lidhur me vërtetësinë e firmave të mbledhura nga Berisha, Meksi tha se verifikimi është thjesht vullnet, pasi lidhur me këtë nuk ka akt të miratuar.
Kontrolli i firmave është thjesht vullnet. Nuk ka akt të miratuar. Nëse flasim për procedura, në momentin kur Basha është zgjedhur si kryetar, statuti nuk ka qenë i regjistruar në gjykatë.
Sipas Meksit, në Shqipëri ka vetëm një precedent të ngjashëm me situatën e krijuar së fundmi në PD.
Ka ndodhur me Librën. Ish-kryetari pasi dha dorëheqjen ankimoi në gjykatë zgjedhjen e kryetarit të ri. Por nuk i është dhënë kaq zë për shkak të përmasave të partisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
