Në emisionin "Te Paekspozuarit" në MCN, botuesi Nikoll Lesi theksoi se Shqipëria po përballet me një situatë të ndërlikuar, pasi ndryshimi i statusit të territorit dhe kushtetutës është i pamundur pa miratimin e shumicës së Parlamentit.
Ai krahasoi këtë situatë me shtetin e Vatikanit, duke shpjeguar se ndërsa Vatikanin e kemi si një shtet të pavarur që ka një histori prej shekujsh, në Shqipëri çdo përpjekje për të ndryshuar territorin pa ndryshuar kushtetutën mund të cënojë sovranitetin e shtetit, duke e bërë atë një vepër penale.
E ka marrë vendimin, ka ndarë mendjen. Pra, jemi para një fakti të kryer që ai do të realizojë këtë pas zgjedhjeve, por statusi i tij ende mbetet në dyshim. Kur bëhet krahasimi me shtetin e Vatikanit, nuk jam dakord për disa arsye, jo për shkak të katoliqizmit tim.
Shteti i Vatikanit u krijua si një shtet i pavarur, qytet-shtet, dhe u njoh si shtet në vitin 1929, kur u nënshkrua një marrëveshje mes Mbretërisë së Italisë dhe selisë së shenjtë. Selia shenjtë ka qenë një qendër e katolicizmit që nga shekulli i parë pas Krishtit, gjatë Perandorisë Romake. Shteti i Vatikanit ka 44 hektar tokë, dhe është pronë e Serisë së Shenjtë, një shtet autoritar, ku Papa ka pushtet të plotë.
Megjithatë, në Shqipëri, ndryshimi i territorit dhe i kushtetutës është një proces shumë i ndërlikuar dhe i pamundur pa një ndryshim të madh ligjor. Sipas Kushtetutës, shteti shqiptar është i pandashëm, dhe çdo përpjekje për ta ndryshuar mund të jetë vepër penale, duke cënuar sovranitetin e shtetit.
Në këtë kontekst, mund të lindin pyetje se si mund të realizohet një ndryshim i tillë, pasi nuk mund të bëhet pa miratimin e shumicës së Parlamentit, dhe as populli nuk mund të vendosë për këtë përmes një referendumi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
