Në Japoni, Gjykata e Lartë shpalli jokushtetues ligjin e vitit 2003 që kërkonte transgjinorët që donin të ndryshonin gjininë t’i nënshtroheshin një operacioni për heqjen e organeve të tyre seksuale.
Kjo është një praktikë e cila është kritikuar prej kohësh nga mjekët dhe grupet ndërkombëtare të të drejtave të njeriut.
Gjyqtarët e gjykatës, vendosën njëzëri. Vendimi historik është një kthesë nga viti 2019 kur gjykata tha se kërkesa e sterilizimit ishte aktualisht kushtetuese.
Aplikanti në rastin e fundit ka lindur si burrë, por identifikohet si grua. Ajo ka shpresuar të ndryshojë gjininë ligjore pa operacion, duke pohuar se aftësitë e saj riprodhuese kanë rënë pas viteve të terapisë hormonale.
Kërkesa e kirurgjisë “shkakton një ngarkesë ekstreme fizike dhe ekonomike” dhe për këtë arsye shkel Kushtetutën, e cila garanton respektimin e individëve dhe barazinë sipas ligjit, ka argumentuar ajo.
Kërkesa e gruas për ndryshim gjinie është refuzuar nga gjykatat e familjes dhe gjykatat e larta për shkak se nuk i është nënshtruar një operacioni.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
