“Pasagjeri” u kodua një operacion i forcave të posaçme “Shqiponja” dhe efektivëve të komisariatit Nr.1 në Tiranë, gjatë të cilit u vu në pranga një person me arsenal armësh.
Bazuar në informacionet e siguruara në rrugë operative se në rrugën “Agush Gjergjevica”, në një automjet, po qarkullonte një person i armatosur, uniformat blu organizuan punën dhe kanë finalizuar me sukses operacionin policor.
Si rezultat i këtij operacioni, u bë kapja dhe arrestimi në flagrancë i E. K., 45 vjeç, banues në Tiranë, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Prodhimi dhe mbajtja pa leje e armëve të gjuetisë dhe sportive” dhe “Mbajtja pa leje e armëve të ftohta” dhe M. M., 33 vjeç, banues në Tiranë, për veprën penale “Moskallëzimi i krimit”.
Në rrugën “Agush Gjergjevica”, shërbimet e policisë kanë ndaluar automjetin me drejtues shtetasin M. M., dhe pasagjer shtetasin E. K.
Gjatë kontrollit në çantën e dorës së shtetasit E. K., shërbimet e policisë gjetën dhe sekuestruan, në cilësinë e provës materiale, një armë zjarri pistoletë, municion luftarak dhe një silenciator. Në vijim të veprimeve, gjatë kontrollit të banesës së shtetasit E. K., shërbimet e policisë gjetën një pushkë sportive, tre thika dhe municion luftarak. Shtetasi M. M., ka patur dijeni për krimin, por nuk ka kallëzuar.
Materialet i kaluan Prokurorisë, për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
