Presidenti brazilian, Jair Bolsonaro, ka firmosur një dekret, falë të cilit për brazilianët do të jetë më e lehtë të blejnë armë.
Ai ka shënuar kështu hapin e parë drejt mbajtjes së premtimit të tij që ka bërë gjatë fushatës.
Bolsonaro, i ardhur nga radhët e ekstremit të djathtë, do të shfuqizojë një ligj të vitit 2003 që u ndalon qytetarëve blerjen e armëve, me arsyetimin se brazilianët kanë të drejtë të blejnë armë dhe të mbrojnë veten nga kriminelët.
Ky dekret, i cili për të hyrë në fuqi duhet të ratifikohet brenda 120 ditëve nga Kongresi, do të heqë disa kompetenca që ka pasur policia federale ndaj civilëve në këtë shtet.
Bandat e shumta të drogës dhe milicia paramilitare sigurojnë lehtë armë që prodhohen në vend.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
