Mentor Çuni dhe Arjan Doçi janë arrestuar nga Policia Kufitare e Durrësit, pas një kontrolli të detajuar të një furgoni me targa angleze.
7 pako me lëndë narkotike kokainë, me peshë totale 7 kilogramë e 300 gramë u zbuluan në pjesën e poshtme të sediljes, në një vend të fshehtë të krijuar me qëllim transportin e sigurt të lëndës narkotike.
E paketuar me qese vakumi për të mos u pikasur nga qentë antidrogë, kokaina ishte planifikuar të dilte nga vendi ynë me një furgon, që do të ndiqte itinerarin Shqipëri – Itali – Angli.
Automjeti i përket kompanisë “Bledi Trans”, e cila transporton sende dhe pako për emigrantët nga Anglia në Shqipëri.
Ndërkohë vijon puna për zbardhjen e plotë të këtij rasti, për identifikimin dhe arrestimin e shtetasve të tjerë të implikuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
