Ka dështuar edhe përpjekja e 28-të për konstituimin e Kuvendit të Kosovës.
Sërish, nuk ka pasur kuorum të mjaftueshëm për formimin e komisionit që do të organizonte votimin e fshehtë për zgjedhjen e kryetarit të Kuvendit.
Që nga hapja e seancës konstituive më 15 prill, kandidatja e Lëvizjes Vetëvendosje (LVV) për kryeparlamentare, Albulena Haxhiu, ka dështuar 6 herë radhazi të zgjidhet. Ndërkohë, të enjten, për të 19-n herë dështoi formimi i Komisionit për votimin e fshehtë.
Seanca u ndërpre dhe do të vazhdojë pas 48 orësh.
Pas zgjedhjeve parlamentare të mbajtura më 9 shkurt, Kuvendi i Kosovës nuk ka arritur të konstituohet, pasi partia fituese, Lëvizja Vetëvendosje (LVV), nuk po siguron votat e mjaftueshme për të zgjedhur kryetarin e Kuvendit.
Ky është dështimi i radhës në përpjekjet për funksionalizimin e Kuvendit pas zgjedhjeve, ndërsa qytetarët po përballen me zvarritje institucionale dhe mungesë të përfaqësimit të plotë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
