Fill pas vendimit të largimit të Sali Berishës nga Grupi Parlamentar i Partisë Demokratike, ka reaguar edhe Ambasada Amerikane, e cila e ka cilësuar si të vështirë vendimin e shpallur dje nga PD, por që sipas tyre, meriton respekt.
Vendimi, sipas Ambasadës, është një tregues se PD, por shkëputet nga e kaluara për të ndërtuar të ardhmen e saj,.
Nëpërmjet një statusi në median sociale Twitter , këtë vendim, Ambasada e krahason me momentet kritike të Shqipërisë së para 30-vitesh.
“Vendimi i vështirë i shpallur dje nga Kryetari Lulzim Basha meriton respekt. Ky vendim demonstron se, ashtu siç ndodhi 30 vjet më parë dhe në momente të tjera kritike në historinë e Shqipërisë, Partia Demokratike ka kurajën për t’u ndarë nga e shkuara me qëllim që të ndërtojë të ardhmen, për të ndihmuar që ta udhëheqë Shqipërinë përpara. Shtetet e Bashkuara kanë pasur një marrëdhënie të veçantë me Partinë Demokratike që nga themelimi i saj dhe presim me kënaqësi të punojmë më ngushtë se kurrë me Kryetarin Basha dhe Partinë Demokratike për të forcuar marrëdhëniet SHBA-Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
