Gazetari Xhevair Zhabina tha në studion e MCN Live se ndryshimet e fundit që kanë ndodhur në Policinë e Shtetit kanë ardhur për disa arsye dhe një ndër to është përfshirja e oficerëve dhe jo vetëm në grupet kriminale.
Po ashtu Zhabina tha se Drejtori i Përgjithshëm i Policisë së Shtetit është një garantorët e procesit zgjedhor dhe është kjo një arsye tjetër e ndryshimeve.
Në çdo aksion që SPAK ka bërë kundër krimit të organizuar në këto 2 vitet e fundit kemi parë që aty kanë qenë dhe oficerë të lartë e duke shkuar deri në nivelin e drejtorit të qarkut. Është e udhës që publikut t’i thuhet që Policia e Shtetit do të ndryshojë dhe do të fillojë me drejtorin e përgjithshëm që do të vijë si produkt i një procesi të rregullt ligjor. Kriter i rëndësishëm është ai i 15 viteve eksperiencë si drejtues të parë.
Vjen dhe për një arsye tjetër. Këto 12 vite kemi parë që në Drejtorinë e Përgjithshme të Policisë së Shtetit dhe ato vendore kemi parë të njëjtat personazhe, 10-12 personazhe emërohen.
Sipas Zhabinës, drejtori i ri i Policisë së Shtetit do të jetë emër surprizë, por bazuar në garancitë që politika kërkon.
Do të jetë emër surprizë, por bazuar në garancitë që politika kërkon. Të gjithë e dimë sa i rëndësishëm është drejtori qoftë për proceset hetimore, qoftë për procesin zgjedhor, që është një nga garantoret. Drejtori i ri nuk mund t’i lihet rastësisë sidomos në këtë situatë politike.
Sfida më e madhe është mbajtja larg e presionit politik. A do të arrijë ai ta mbajë larg duke qenë se është dhe produkt i politikës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
