Policia italiane ka bërë publike detaje të një operacioni që çoi në zbulimin e një grupi, i cili trafikonte kokainë nga Holanda drejt Italisë. Grupi drejtohej nga një familje shqiptare. Mëse 100 karabinierë janë angazhuar në operacionin e zhvilluar në Firence dhe Piza.
Banda drejtohej nga dy vëllezërit Ervis Lulashi (29 vjeç) dhe Fabjo Lulashi (31 vjeç), të dy me banim në Sesto Fiorentino.
Ata ndihmoheshin nga vëllai tjetër Eljon Lulashi, 34 vjeç, i cili jeton në Zvicër, së bashku me bashkëjetuesen e tij, Orjeta Haxhiraj (27 vjeç).
Të dy shqiptarët e mësipërm e blinin drogën në Holandë dhe ua dërgonin dy vëllezërve në Itali nëpërmjet Zvicrës, duke përdorur korrierë.
Hetimet kanë zbuluar se të paktën 12 kg kokainë janë transportuar për llogari të këtij grupi në periudhën mars-maj të vitit 2015.
Policia ka zbuluar se në trafik ishte i përfshirë edhe një 29-vjeçar shqiptar me emrin Kolë Blinisha si edhe babai i Lulashi si dhe njëra prej grave të tyre.
Të tjerë të përfshirë në këtë rrjet janë Nikolle Lleshi (36 vjeç), Claudio D'Elia, 30 vjeç, shtetas italian, Said Ez Zitouni (24 vjeç), maroken dhe 40-vjeçari shqiptar Agim Kocecu.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
