Pas deklaratave të kryetare së Bashkisë së Shkodrës e cila deklaroi se për Shkodrën 29 nëntori është një ditë e zezë, i menjëhershëm ka qenë edhe reagimi i kryeministrit Edi Rama.
Këtë deklaratë shefi i qeverisë e cilëson lajthitje.
“Mirë lajthitën, po pse të tërë menjëherë vallë?”, shkruan Rama në rrejtin social "Instagram" duke ironizuar kryebashkiaken Ademi.
“Për Shkodrën 29 nëntori është një ditë e zezë, mjafton që t’i referoheni historianëve. Unë nuk jam historiane. Por në atë ç’farë ne bëjmë, përpiqemi t’i referohemi asaj çfarë historianët shkruajnë dhe kanë përcaktuar në historinë e Shqipërisë, pavarësisht se kjo pastaj nuk është referuar në libra dhe do duhet të referohemi”, deklaroi Voltana Ademi.
Ditën e djeshme kryeministri Rama ironizoi edhe edhe kryedemokratin, Lulzim Basha i cili pas homazheve në prononcim për mediat bëri një lapsus kur tha se flamuri për herë të parë u ngrit në 1944 por e regulloi duke 1444 .
Por me gjithë ndryshimin e shifrave, kryeministri Rama i ka kujtuar kreut demokrat se flamuri i Kastriotëve u ngrit në 1443.
"Kush kujton se është thjesht një ngatërresë me 5shekuj e gjysëm për shkak të katrave e ka gabim, se Artisti jo vetëm s'e di që flamuri i Kastriotëve u ngrit në 1443, po kujton se kështjella e tyre është në Lezhë ku u mbajt mbledhja Besëlidhjes së 1444", shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
