Ministri i Brendshëm, Sandër Lleshaj, pranoi se Policia e Shtetit ka marrë gaz lotsjellës nga Kosova, gjatë periudhës së protestave të opozitës.
Në interpelancën e sotme në Kuvend, Lleshaj tha se është marrë gaz nga Kosova, por nuk është përdorur.
“Më 2019, institucionet e shtetit shqiptar janë vërë përballë sulmeve të dhunshme, që kanë paraqitur rrezik për institucionet për jetën e qytetarëve, të deputetëve, të zyrtarëve të lartë të shtetit dhe kanë sfiduar rendin kushtetues të Shqipërisë. Përballë këtyre kushteve, policia ka aplikuar një strategji de-eskaluese, që synon jo përshkallëzim, por de-eskalim. Policia ka vepruar një shkallë më poshtë, në nivelin me të cilin është ndeshur, dhe ka luftuar që të mos ketë asnjë viktimë. Ia ka dalë të mbrojë jetën e qytetarëve. Ia arritën për herë të parë që të mos kemi gjak në rrugët e vendit, armë e jetë të humbura. Gazi është përdorur nga rezervat që policia ka pasur që prej qeverisjes së mëparshme”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
