Tre turistë gjermanë kanë mbetur të bllokuar pasditen e së martës në terrenin e vështirë malor të Malit të Çikës, në Vlorë, duke kërkuar ndihmën e Policisë.
Pas marrjes së njoftimit, shërbimet e Forcës Kombëtare të Sigurisë, Njësia Fier, organizuan menjëherë një operacion kërkim-shpëtimi dhe rreth orës 19:00 lokalizuan tre turistët, të moshës rreth 18 vjeç, të cilët ishin të lodhur fizikisht dhe në pamundësi për të vijuar lëvizjen.
Për shkak të terrenit të vështirë, në koordinim me Qendrën Operacionale Kombëtare të Emergjencave Civile, u ndërhy me helikopter, duke bërë të mundur shpëtimin dhe nxjerrjen e tyre të sigurt rreth orës 19:30. P8as operacionit, turistët falënderuan Policinë dhe të gjitha strukturat e angazhuara për reagimin e shpejtë dhe profesional.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
