Nuk ka të ndalur fluksi i pasagjerëve të cilët hyjnë çdo ditë në Portin e Vlorës.
Mëngjesin e kësaj të shtunë në portin detar kanë hyrë 1400 pasagjerë dhe 320 automjete, raporton korrespondenti i MCN TV.
Shifra këto të cilat për këtë periudhë të vitit konsiderohen vërtet të larta.
Nga ana tjetër në Portin e Vlorës ka nisur fluksi në dalje. Prej tre ditësh rreth 3200 pasagjerë dhe 600 automjete dalin prej tij duke shënuar kështu kapacitetin e tij të plotë.
Prej tre ditësh ka më tepër kërkesa seç mund të përballojnë tragetet e linjës duke bërë që kërkesat për bileta të lihen për një ditë më pas.
Pritet që të paktën deri nga data 25 gusht të ketë rreth 3200 pasagjerë çdo ditë në dalje çka do të shënojë një tjetër rekord për portin detar në dalje të pasagjerëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
