Kryeministri i Kosovës, Albin Kurti, ka vizituar sot në Qendrën Klinike Universitare në Prishtinë policin Ekrem Neziri, i cili mbeti i plagosur një ditë më parë në Veri.
Kurti bën me dije përmes një postimi në Facebook se "me zyrtarë të tillë mbahet shteti". Po ashtu kreu i qeverisë thotë se polici është operuar me sukses dhe është në gjendje të mirë shëndetësore.
“Ekrem Neziri, polici që u plagos mbrëmë në veri të Kosovës, është operuar me sukses të plotë sot në QKUK. Vullnetin e kishte të fortë, kurse shëndetin e mirë. Me të këtillë zyrtarë mbahet shteti. Kriminelët do të ndiqen e dënohen”, ka shkruar Kurti në Facebook.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
