Ditën e sotme është mbledhur seanca e jashtëzakonshme e kuvendit për Vetingun dhe miratimin e listave të gjyqtarëve që do të marrin pjesë në komisionet e vetingut.
Deputetja e PD-së, Jozefina Topalli nga foltorja e Kuvendit ka marrë fjalën dhe ka sulmuar Ramën dhe Bashën se listat e vetingut janë emra të paktit Basha-Rama.
“E vërteta është se aq sa ka pasur dhe ka pritshmëri të lartë, aq është edhe rreziku i dështimit të saj të turpshëm. Po filloj me listat që keni përpara meqë nuk guxoni të flisni. Në këtë listë ka miq të ngushtë të kryeministrit, kamikazë politikë të kryeministrit, pushtues tokash. Kanë dhënë para për të mbyllur procese gjyqësore. Këta do bëjnë vetingun. Ata që s’janë të Ramës, janë të Bashës”, tha Topalli.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
