Rama: Opozita u kthye sot në identitet, meriton ta shkatërrojmë me votë

<p>Kryeministri Rama reagoi në lidhje me protestën që mbajti sot opozita para Parlamentit. Në një postim në rrjetet sociale, Rama thotë se opozita u rikthye sot në identitet.</p> <blockquote> <p><em>Cilët ishin autorët e rikthimit kaq të shpejtë në identitet të opozitës sot në parlament?</em></p> <p><em>Një kriminel italian i dënuar 17 vjet nga drejtësia shqiptare;<br> Një ish-zv.kryeministër i arratisur për t’i ikur drejtësisë;<br> Një ish-kryeministër në arrest shtëpie me vendim të drejtësisë;<br> Një ish-prokuror i përjashtuar nga sistemi i drejtësisë për mosjustifikim pasurie;<br> Një program në RAI3 që i shfaqi të lartpërmendurit si heronj pozitivë të një bashkëprodhimi italo-shqiptar, me baltë të eksportuar në Itali nga kanalet e ujrave të zeza politike e mediatike të Tiranës.</em></p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>&nbsp;</p> <p><em>Vesi del me shpirtin, por shpirtit të së keqes që po del me të çjerra nga jeta e këtij vendi pasi e persekutoi këtë vend qysh prej vitit 1912, kjo lojë balte e rradhës me emrin e Shqipërisë i duhet futur në llogaritë që do të bëhen në zgjedhjet e afërta.</em></p> <p><em>Mos i falni më, duhen shkatërruar përfundimisht me votë! Shqipëria ka kry punë me ta dhe nuk ndalet dot më nga askush.</em></p> <p>&nbsp;</p> </blockquote> <p>Pas normalitetit 3-mujor, Kuvendi iu rikthye kaosit për disa orë. Opozita u hodh në aksion brenda dhe jashtë parlamentit.</p> <p>Deputetët e Partisë Demokratike, kërkuan futjen e kryetarit të Rithemelimit, Sali Berisha, në grupin parlamentar të demokratëve, ndërsa kreu i grupit parlamentar të Partisë Demokratike, Gazment Bardhi kërkoi në mocion me debat kryeministrin Edi Rama, i cili edhe në këtë seancë nuk ishte prezent.</p> <p>Ndërkohë që deputetët bllokonin foltoren, jashtë parlamentit Partia Demokratike e Rithemelimit zhvillonte protestë, të udhëhequr nga organizatorët Klevis Balliu e Belind Këlliçi, për të denoncuar lidhjet e qeverisë me krimin e organizuar dhe korrupsionin.</p> <p>Protestuesit i vunë flakën disa gomave, ndërsa për mbi 2 orë tentuan të çajnë kordonin policor për të mësyrë në parlament.</p> <p>Protesta u mbyll pas 150 minutash, ndërkohë po kaq zgjati edhe aksioni i deputetëve të opozitës brenda Parlamentit.</p> <p>&nbsp;</p>