Racizmi i bën keq edhe shëndetit. Më shumë ta përjetosh, aq më keq bën. Nga një studim i publikuar në Hypertension, një nga degët zyrtare të American Heart Association (Shoqatës Amerikane të Zemrës), shoqata e kardiologëve amerikanë, tregon se ekspozimi i vazhdueshëm ndaj diskriminimit është një stresues kronik, i aftë për të rritur rrezikun e hipertensionit.
Hulumtimi është realizuar mbi një popullatë prej 1845 afrikano-amerikanë, burra dhe gra midis 21 dhe 85 vjeç, të regjistruar, një studim vëzhgues për sëmundjet kardiovaskulare në popullatën e zezë.
Studimi ka nisur në vitin 2000 dhe personave pjesëmarrës përveç analizave herë pas here i janë bërë edhe pyetsorë në lidhje me racizmin. Në vizitat pasuese në lidhje me ndikimin e racizmit, të kryera çdo 4 vite, rezulton se personat që kanë qenë pre e racizmit kanë pasur shenja të problemeve shëndetësore dhe veçanërisht janë prekur nga hipertensioni.
Sipas rezultateve personat që kanë vetëdeklaruar se kanë qenë pre e racizmit, kan nisur gjithashtu problemet me hipertensionin.
Diskriminimi ose racizmi ka një ndikim të drejtëpërdrejtë në presionin e gjakut dhe stresit, duke aktivizuar sistemin nervor simpatik.
"Studimi tregon detaje të rëndësishme, faktorët tradicional si ushqimi ose aktiviteti fizik janë të lidhur ngushtë me hipertensionin, por faktorë i rëndësishëm psikosocial është edhe diskriminimi, i cili gjithashtu mund të ndikojë negativisht në shëndet, por rrallë merret parasysh kur vlerësohet rreziku i hipertensionit në mesin e Afrikano-Amerikanëve" tha Allana T. Forde, autore e parë e botimit, studiuese në Departamentin e Epidemiologjisë dhe Biostatologjisë në Universitetin Drexel në Filadelfia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
