Shkatërrim të madh dhe 5 viktima kanë lënë pas tornadot që kanë goditur disa zona në Shtetet e Bashkuara.
Sipas Qendrës së Parashikimit të Stuhive, ka patur raportime të shumta për tornado në Arkansas, Illinois, Iowa, Tenesi dhe Misisipi që nga mbrëmja e së premtes.
Në Ilionois një person humbi jetën dhe dhjetëra të tjerë u plagosën si pasojë e një stuhie që shkatërroi çatinë e një teatri.
Rreth 260 persona ishin brenda kur çatia u rrëzua në orën 19:55 sipas kohës lokale, nga të cilët 28 persona u dërguan në spital, 5 prej tyre në gjendje të rëndë, sipas njoftimit të autoriteteve lokale.
Tornadot kaluan edhe në disa shtete të SHBA-ve, përfshirë edhe shtetin e Arkansasit dhe Misurit ku u raportua për katër viktima të tjera.
Misuri ishte ndalesa e presidentit të SHBA-ve, Joe Biden.
“Sot kam miratuar një mbështetje federale që mbulon 100 % të dëmeve. Qeveria federale do të jetë këtu me intensitet për 30 ditë për të rindërtuar çatitë dhe shtëpitë tuaja, po edhe pas mbarimit të këtij afati do të jemi këtu.
Shtetet e Arkansasit dhe Misurit shpallën gjendje të jashtëzakonshme, ndërkohë mbi 300 mijë familje kanë mbetur pa energji elektrike në shtetet e prekura nga stuhitë që përfshinin zona të mëdha të SHBA-së qendrore,
Illinois ka raportuar më së shumti ndërprerje me më shumë se 100 mijë klientë pa energji elektrike, e ndjekura nga Arkansas me afro 69 mijë ndërprerje.
Goditja nga moti I keq erdhi një javë pasi tornados vdekjeprurëse që shkatërroi qytetin Rolling Fork, në Mississippi, duke lënë pas 26 viktima dhe 400 shtëpi të rrëzuara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
