Pronari i një rrjeti restorantesh sushi pagoi 2.8 milionë euro për një ton gjigand në ankandin prestigjioz të Vitit të Ri në tregun kryesor të peshkut në Tokio.
I vetëshpalluri "Mbreti i Tonit" Kiyoshi Kimura, pagoi çmimin e majmë për peshkun prej 243 kilogramësh të kapur në brigjet verilindore të Japonisë.
"Toni i parë i vitit sjell fat të mirë. Mendoja se do të ishim në gjendje të blinim pak më lirë, por çmimi u rrit shumë shpejt", tha Kiyoshi Kimura, presidenti i kompanisë dhe një figurë e njohur në ankandin vjetor të Vitit të Ri.
Çmimi prej 510.3 milionë jenësh i arritur në këtë ankand të Vitit të Ri është më i larti që kur filluan të mblidheshin të dhëna të krahasueshme në vitin 1999.
Rekordi i mëparshëm ishte 333.6 milionë jenë për një ton blu prej 278 kilogramësh në vitin 2019.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
