Do të jenë të palosshëm si librat dhe të përshtatshëm me rrjetet 5G.
Këto janë karakteristikat e smartfonëve të 2019-s, në sfidën e gjigantëve të teknologjisë për të rritur shitjet.
Risia më e dukshme është ekrani i përkulshëm, që do të bëjë të mundur palosjen e tyre.
Dy gjigantë do të "luftojnë" në mënyrë të veçantë në vitrinat e dyqaneve elektronike dhe virtuale: Samsung e Huawei, respektivisht kompania e parë dhe e dytë në sektorin e smartfonëve.
Kinezët e Huawei-t synojnë që në 2019-n të lënë pas koreanët e Samsungut. Samsung e Huawei do të lançojnë smartfonët e rinj dhe të shpejtë 5G.
Po ashtu edhe rivalët LG, HTC e OnePlus do të sjellin pajisjet e reja, ndërsa Apple mund të presë vitin 2020, për të lançuar një iPhone 5G.
Edhe kamerat do të kenë risi.në fund të janarit, Huawei do të zbulojë Honor View 20 me fotokamera 48 megapixel në pjesën e pasme.
Në shkurt, në Mobile World Congress në Barcelonë, Samsung sjell modelin e ri, S10.
Në mars, Huawei prezanton modelin e ri P30, me 4 fotoka.era dhe zoom optik me kapacitet 10-fish.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
