Ekspertiza paraprake për 3-vjeçarin Braian Spahiu i cili humbi jetën pas ndërhyrjes në dhëmbë në një klinikë dentare në Tiranë, del në konkluzionin se i mituri pësoi “Vdekje të papritur për shkaqe të panjohura më parë”.
Gazetari i MCN TV, Besmir Pula, raporton se skeda e vdekjes mban firmën e ekspertit mjeko-ligjor Erindo Alla, ndërsa është përcaktuar më datë 1 tetor, ditën kur i mituri humbi jetën.
Ndërkohë pritet raporti përfundimtar i cili kërkon rreth tre javë nga raporti i parë.
Një ditë më parë policia e Tiranës sekuestroi kamerat e sigurisë në klinikën dentare, pasi familjarët akuzojnë mjekun Roland Xhaxho për pakujdesi, teksa edhe prokuroria ka nisur hetimet për mjekim të pakujdesshëm.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
