Narges Mohammadi, aktivistja iraniane e cila u nderua me Çmimin Nobel për Paqen, do të fillojë një grevë të re urie të dielën më 10 dhjetor, ditën në të cilën çmimi do t’u jepet fëmijëve të saj në Oslo, Norvegji.
Mohammadi, e cila bën fushatë kundër hixhabit të detyrueshëm dhe dënimit me vdekje në Iran, aktualisht është e arrestuar. Greva e urisë u vendos në solidaritet me pakicën fetare Bahai.
Taghi Rahmani, bashkëshorti i saj, shpjegoi se greva është një gjest solidariteti me pakicën fetare Bahai, nga të cilat dy anëtarë të shquar janë tashmë në grevë urie.
Bahai është pakica më e madhe fetare në Iran dhe është subjekt i diskriminimit në shumë fusha të shoqërisë.
Pse Narges Mohammadi mori Çmimin Nobel për Paqen?
Narges Mohammadi, 51 vjeçe, mori çmimin për luftën e saj “kundër shtypjes së grave në Iran dhe për përpjekjet e saj në promovimin e të drejtave të njeriut dhe lirisë për të gjithë”.
Komiteti i Nobelit tha se “lufta e guximshme e Narges Mohammadit i shkaktoi kosto të mëdha personale. Regjimi iranian e arrestoi atë 13 herë, e dënoi pesë herë me gjithsej 31 vjet burg dhe 154 rrahje me kamxhik”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
