Komisioni i Pavarur i Kualifikimit ka shkarkuar sot nga detyra kryetarin e Gjykatës së Kukësit, Isuf Shehun.
KPK zhvilloi seancën dëgjimore me subjektin e rivlerësimit Isuf Shehu, gjyqtar/kryetar i Gjykatës së Rrethit Gjyqësor Kukës me datë 12 nëntor.
Trupa gjykuese e përbërë nga Suela Zhegu, Xhensila Pine, Brunilda Bekteshi pas vlerësimit të prova dhe fakteve konstatoi se subjekti i rivlerësimit, fshehu deklarimin e pasurisë dhe vendosi sot shkarkimin e kryetarin e Gjykatës së Kukësit.
Në seancën e sotme, KPK zbardhi vendimin e shkarkimit nga detyra të kryetarin e Gjykatës së Kukësit, Isuf Shehun.
Ndaj këtij vendimi, mund të ushtrohet ankimim pranë Kolegjit të Posaçëm të Apelimit nga subjekti i rivlerësimit dhe/ose Komisioneri Publik 15 ditë nga data e njoftimit të vendimit të Komisionit.
Ankimi depozitohet pranë Komisionit të Pavarur të Kualifikimit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
