Arrestohen në aeroportin e Athinës, 21 neo-nazistë italianë, të cilët kishin mbërritur në qytet për të marrë pjesë në mitingun e ekstremit të djathtë në periferi të Neo Iraklio.
Tubimi i sotëm u organizua nga rrjetet lokale të ekstremit të djathtë, si Fronti Helen dhe Autonomia e Athinës, për të përkujtuar vdekjen e dy militantëve nga partia neo-naziste, tashmë e shpërbërë Agimi i Artë, më 1 nëntor 2013.
Në atë kohë, dy militantë u qëlluan për vdekje jashtë selisë së partisë, ndërsa personat përgjegjës për vrasjen nuk u identifikuan kurrë.
Në vitin 2020, drejtuesit e Agimit të Artë u dënuan për pjesëmarrje në një komplot kriminal dhe partia u shpërbë.
Sipas burimeve nga policia helene, autoritetet kishin siguruar informacione për arratisjen e 21 italianëve të ekstremit të djathtë, të cilët i ishin përgjigjur thirrjeve të organizatorëve të mitingut, të dërguara nëpër Europë.
Njëzet e një shtetasit italianë u ndaluan për të nisur procedurën administrative të dëbimit ndaj tyre për arsye sigurie kombëtare.
E përballur me rrezikun e përplasjeve të mundshme ditën e sotme, Drejtoria e Përgjithshme e Policisë së Atikës ndaloi si tubimin përkujtimor ashtu edhe demonstratat e tjera të paralajmëruara nga anëtarë të organizatave antifashiste greke.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
