Qeveria e re teknike në Maqedoni do të formohet në 15 janar, ndërsa sipas marrëveshjes poltike të arriur disa kohë më parë, ajo do të drejtohet nga një funksionar i partisë së Kryeministrit, Gruevski.
Kryeministri i Maqedonisë, Nikolla Gruevski ka konfirmuar dorëheqjen e tij përpara 15 janarit. Ai është shprehur se së shpejti do të formohet një qeveri e re tenkike, e cila do të merret me organizimin e zgjedhjeve.
“Do të ketë qeveri të re teknike sipas marrëveshjes së Përzhinos. Më 15 janar ajo do të formohet e në vazhdim do të merret me organizimin e zgjedhjeve. Kurse dorëheqja do të jepet më parë. Se kush do të jetë kandidati për kryeministër do të vendosë partia dhe për këtë do t’ju njoftojmë në kohën e duhur”, deklaroi Gruevski.
Në bazë të marrëveshjes mes forcave politike të arritur disa muaj më parë, qeveria do të drejtohet nga një funksionar tjetër i partisë së Gruevskit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
