Pas skandalit të shitjes së diplomave false, Këshilli i Ministrave ka mbyllur veprimtarinë e Kolegjit Universitar “Wisdom”.
Sipas vendimit “Wisdom” ka obligimin “të mbyllë të gjitha detyrimet lidhur me veprimtarinë akademike dhe kërkimore-shkencore, për vitin akademik 2023-2024, deri në përfundimin e tij, në të gjitha programet e studimit të ofruara”.
Gjithashtu duhet të përgatisë dosjen për studentët që janë në proces për transferimin e tij në një institucion tjetër të arsimit të lartë, pa asnjë detyrim financiar shtesë nga studenti.
Gjithashtu Kolegji “duhet të kthejë pagesat e kryera nga çdo student për pjesën e papërfunduar të programeve përkatëse të studimit, për rastet kur pagesat janë kryer për cikël studimi, si dhe çdo detyrim tjetër të papërmbushur që mund të ketë ndaj studentit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
