Një ngjarje e rëndë ka ndodhur në rrugën “Zef Jubani” në Tiranën e Re. Një person është vrarë me armë zjarri. Mësohet se viktima është 26- vjeçari Jurgen Kurti.
I riu ka qenë duke ikur në këmbë në shtëpi kur është qëlluar me breshëri nga një makinë në lëvizje.
Jurgen Kurti nuk është një emër i panjohur për policinë. I njohur si menaxher i VIP-ve, ai u arrestua para disa vitesh për vrasjen e babait të tij, por kur daja pranoi krimin, Kurti u la i lirë.
Ai po ashtu akuzohet si i përfshirë në një sherr, ku mbeti i vrarë pronari i një marketi në Durrës në 2017, por mundi t’i shpëtojë akuzës, ndonëse familjarët e të ndjerit Agim Arapi, akuzuan Kurtin si autorin e vrajes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
