Hong Kongu dhe qytetet jugore të Kinës po luftojnë me përmbytjet e përhapura pasi rajoni po përballon disa nga reshjet më të mëdha të shiut në histori.
Të premten, rrugët dhe stacionet e metrosë ishin nën ujë në Hong Kong pasi zyrtarët mbyllën shkollat dhe vendet e punës.
Byroja e motit tha se shirat që filluan të enjten janë më të mëdhatë që kanë goditur qytetin në gati 140 vjet.
Autoriteteve u është dashur të kryejnë disa shpëtime, ndërsa fotografitë tregojnë banorët e zonës duke ecur nëpër rrugët e përmbytura.
Të premten, autoritetet e Hong Kongut thanë se të paktën 83 persona ishin dërguar në spital në 24 orët e fundit për shkak të motit të egër. Reshjet e shiut kanë shkaktuar edhe rrëshqitje dheu, duke bllokuar disa rrugë.
Autoritetet e motit lëshuan një sinjal "të zi" të shiut të enjten mbrëma, një paralajmërim i shkaktuar nga reshjet që kalojnë 70 mm në orë. Observatori i Hong Kongut më vonë raportoi një reshje shiu për orë prej 158.1 milimetrash, më e larta që nga fillimi i regjistrimeve në 1884.
Videot në mediat sociale treguan shiun që rrjedh nëpër qytet, duke i kthyer rrugët në lumenj të furishëm dhe njerëzit që ngjiteshin mbi makina dhe platforma të tjera të ngritura për t'i shpëtuar ujërave.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
