Kreu i Konfindustrisë Gjergj Buxhuku tha në studion e MCN Economy se duhet shqyrtohet me kujdes legjislacioni në fuqi, nëpërmjet të cilit janë lënë hapësira dhe është abuzuar me skemën e mikrokredive.
Sipas Buxhukut, dyshohet për kapje të shtetit dhe se zgjidhja e gjithë kësaj situate bëhet me ligj.
Cili është legjislacioni që kanë punuar këto operatorë, qoftë shoqëritë e mikrokredive, qoftë përmbaruesit dhe qoftë bankat. Situata është e turbullt dhe janë munduar të manovrojnë me ato hapësira të ligjit me të cilat mund të spekulonin. Problemin kryesor e shoh te legjislacioni në fuqi. U tha se bankat kanë vepruar dhe bllokuar llogaritë në kundërshtim me ligjin. Nuk e di cili është neni në të cilin bankat me urdhër të përmbaruesit kishin të drejtë të bllokonin ose jo llogaritë.
Nëse bankat kanë shkelur ligin e supozuar, bankat mbajnë përgjegjësi financiare. Ato janë të detyruara që të dëmshpërblejnë.
Kush e ka bërë ligjin të tillë që të ketë hapësira ligjore që operatorët që punojnë në këtë fushë kaq të ndjeshme të veprojnë sipas interesit të tyre. Futet Banka e Shqipërisë, futet Ministria e Drejtësisë dhe qeveria shqiptare.
Dyshohet për kapje shteti dhe kapja bëhet me ligj me veprim, apo me mosveprim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
