Një konflikt ka ndodhur mesditën e sotme në Elbasan, ku të përfshirë kanë qenë Luçiano Boçi dhe biznesmeni, Gjergj Luca.
Mësohet se konflikti ka ndodhur në një lokal, por nuk dihen shkaqet. Si kandidati për deputet dhe biznesmeni kanë bërë denoncimet e tyre në Prokurori për ngjarjen.
Ndërkohë pak pas incidentit të ndodhur, mes biznesmenit Luca dhe kandidatit për deputet të PD Luçiano Boçi, ka ardhur një reagim nga ky i fundit.
Ish-deputeti e ka quajtur konfliktin si një agresion me motive politike, duke shtuar se të majtët janë në panik dhe të frikësuar nga humbja.
“Agresion me motive politike, të majtët janë në panik, të frikësuar nga humbja. Përdorin mjeke antipolitike, Rama të gjejë një mënyrë tjetër”, është shprehur Boçi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
