Gazetari Artan Hoxha në emisionin "Të Paekspozuarit" në MCN TV, ka folur lidhur me dokumentarin e publikuar në televizionin italian Rai 3, ku flitej për marrëveshjen Rama-Meloni për refugjatët, por edhe për krimin e organizuar dhe lidhjet e dyshuara mes krimit dhe pushtetit në nivelet më të larta.
Hoxha deklaroi se gazetari italian, Giorgio Mottola ka intervistuar shumë personazhe në Shqipëri, përfshirë edhe kreun e opozitës, Sali Berisha.
Ai tha se qëllimi i dokumentarit ishte pasqyrimi i një sërë problemesh të Shqipërisë, kryesisht ngjarje të njohura dhe diskutuara gjerësisht në Shqipëri.
Gazetari ka qëndruar gjatë këtu. Kam publikuar foto dhe video bashkë me të. Ajo që ka tërhequr vëmendjen është që në një mediat publike italiane, janë grupuar dhe sistemuar, një sërë problemesh që ka patur Shqipëria gjatë dekadës së fundit. Gazetari ka qenë në Shqipëri nja muaj më parë. Ka intervistuar shumë njerëz. Ka folur edhe Berisha, zoti Basha, por ai kërkoi intervistë me kryeministrin, por nuk e realizoi dot.
Kur bëhej pritja e personaliteteve në Samit, ka pyetur për Bechettin. Ka pyetur edhe profesionistë të fushave të ndryshme për të marrë informacion. Këtu është edhe intervista e zotit Beci, e cila patjetër duhet të jetë shfrytëzuar. Thjesht ka bërë zhvendosjen dhe kronologjinë që të ketë një vijë.
Ai ishte dokumentar rreth një orë dhe synon të informojë qytetarët italianë. Zanafilla është vendim i qeverisë italiane, pra e nis pse qeveria italiane ka bërë një vendim të tillë të mbajtur të fshehtë dhe me kosto të lartë, nuk i sjell të mira Italisë.
Ai thotë se nga kjo marrëveshje përfiton Rama, i cili është ofruar për t’i bërë nder një vendi të BE por në fakt është e kundërta. Pastaj ai kalon që kjo marrëveshje nuk duhej bërë me Ramën, sepse është partner jo i besueshëm.
Ai thotë marrëveshja u bë nën ndikimin e Ëngjëll Agacit, që ka të kaluar si avokat në Itali, ka qenë avokat i personazheve të botës së krimit, që janë ekstraduar drejt Shqipërisë dhe pastaj u janë zbutur dënimet. A ka ndodhur kjo kur Agaçi është bërë Sekretar? Agaçi vetë ka thënë se do të ngrejë padi.
Zoti Rama në fillim kur ka ardhur si kryeministër, ka ardhur me imazhin për të goditur krimin e organizuar, ka marrë ish shefin e anti-mafia në organikë, por nuk e ka pyetur asnjëherë. Edhe mua më ka intervistuar gazetari. Shumë informacion e ka marrë për të bërë dokumentari. Ka marrë edhe denoncime më të forta se këto që ka nxjerrë, por ka vendosur që këto që ka futur i ka të provuara. Pjesën tjetër, ndoshta bën një dokumentar tjetër.
Një pjesë të mirë të tekstit e ka marrë nga intervistat dhe i ka nxjerrë aty, po dhe ka vendosur që denoncimet që ka futur në dokumentar i ka të provuara 100% dhe u ka qëndruar atyre. Rama është partner i pabesueshëm, ka probleme të mëdha me korrupsionin, krimin e organizuar dhe rastin e Bechetit e sjell e si Rama ka mbyll një TV, e ka shpallur atë të padëshirueshëm në Shqipëri. Rasti i Bechetit është sjellë se ai ka fituar 135 mln në arbitrazh dhe një nga nenet e marrëveshjes të emigrantëve është vendosur që këto para janë të destinuara për këtë marrëveshje dhe nuk do bllokohen nga askush.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
