Detaje të reja janë zbardhur në lidhje me atentatin e ndodhur pasditen e sotme në qytetin e Beratit, ku u qëllua me armë zjarri drejt dy personave në lagjen “Donika Kastrioti”. Sipas burimeve, shënjestrat e sulmit ishin Antonio Merkaj dhe Apostol Dhëmbi, të cilët janë të njohur si miq mes tyre.
Ngjarja ka ndodhur pranë një karburanti, ku një automjet tip Ford i zi ka qëlluar me breshëri kallashnikovi në drejtim të tyre. Merkaj dhe Dhëmbi janë larguar me vrap drejt spitalit, ndërsa automjeti i autorëve i ka ndjekur nga pas duke vijuar të qëllojë. Gjatë ndjekjes, dy të shënjestruarit arritën të fshiheshin brenda lagjes, ndërkohë që autorët u larguan me shpejtësi nga vendi i ngjarjes.
Fatmirësisht, nga të shtënat nuk ka pasur të plagosur. Policia ka identifikuar autorët e dyshuar si dy vëllezërit Fatjon dhe Marko Maloku, banorë të lagjes “Donika Kastrioti”.
Sipas burimeve për MCN, konflikti mes dy grupeve ka lindur në Greqi dhe lidhet me prishjen e pazareve të drogës. Aktualisht, policia ka nisur operacionet për kapjen e të dyshuarve dhe po vazhdon hetimet për zbardhjen e plotë të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
