Dalin pamjet e ngjarjes së rëndë që tronditi Tiranën pasditen e 20 shkurtit, ku 31-vjeçari Egli Pashollari u vra me thikë në rrugën “Kongresi i Lushnjes”.
Sipas pamjeve, i dyshuari Gazment Buçpapaj e sulmon viktimën në momentin që ai zbret nga automjeti i tij tip “BMW Seria 7”, me ngjyrë të bardhë. Plagët e marra rezultuan fatale për të riun.
Në vendngjarje ndodheshin edhe partnerja e autorit të dyshuar si dhe një person tjetër. Ngjarja ndodhi në një zonë të frekuentuar të kryeqytetit, duke shkaktuar panik te kalimtarët dhe banorët.
Autoritetet kanë nisur hetimet për zbardhjen e plotë të rrethanave dhe motiveve të krimit, ndërsa deri tani nuk janë bërë publike detaje të tjera mbi konfliktin që dyshohet se çoi në përplasjen fatale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
