Tentoi të kryejë veprime të turpshme me dy të mitura, në pranga 56-vjeçari

Një 56-vjeçar me iniciale N. Zh., banues në Korçë, ka rënë në prangat e policisë.

Ai dyshohet se ka tentuar veprime të turpshme me dy të mitura.

“Komisariati i Policisë Korçë arrestoi në flagrancë shtetasin N. Zh., 56 vjeç, banues në Korçë, pasi dyshohet se ka tentuar të kryejë veprime të turpshme me dy shtetase të mitura”, njoftoi policia.

Korrespondentja e MCN TV duke cituar burime nga policia raporton se ngjarja ka ndodhur pranë lulishtes Shën Mëria në qytet, ku dy vajzat e mitura, përkatësish 7 dhe 8 vjeç, ishin duke luajtur me njëra tjetrën.

56-vjeçari N.Zhobro u është afruar me pretendimin për t’i afruar, dhe nga dëshmitë e të miturave mësohet se ai ka tentuar t’i prekë në pjesë të trupit. Ky nuk është rasti i parë që N.Zhobro kryen këto lloj veprimesh, pasi sipas informacioneve ai edhe më herët është denoncuar për të tillë vepër penale.

Policia e arrestoi 56-vjeçarin pas denoncimit të prindërve të dy të miturave ndërsa pritet të dalë para gjykatës për t.u njohur në vijim me masën e sigurisë. Gjatë seancës do të dalin në pah edhe detaje të tjera lidhur me hetimin dhe pretendimet e prokurorisë në lidhje me rastin.