Moti i keq/ Pezullohet për sot lundrimi detar për mjetet e vogla lundruese dhe të peshkimit në Vlorë

Si pasojë e motit të keq në Vlorë për ditën e sotme ka mbetur i pezulluar lundrimi detar për mjetet e peshkimit dhe mjetet e vogla lundruese.

Drejtoria Detare njofton se në bazë të parashikimit për situatën hidrometeorologjike të përkeqësuar në gjirin e Vlorës dhe jashtë saj, është ndaluar lundrimi për mjetet e vogla detare.    

Është ndaluar dhënia e leje-nisjes e të gjitha mjeteve të vogla lundruese, anijeve të peshkimit që operojnë jashtë gjirit të Vlorës dhe marrjen e masave për sigurimin e tyre.

 Përmasimi i situatës meteorologjike të përkeqësuar në gjirin e Vlorës dhe jashtë saj për mjetet e vogla lundruese dhe të peshkimit do të jetë mbas orës 18:00 të datës 05 Nëntor 2022.