Kastriot Hasalla i shpallur në kërkim për vrasjen e Romeo Hasallës dy ditë më parë është vetëdorëzuar në polici këtë të shtunë.
Bëhet me dije se ai është dorëzuar pas ndërmjetësimit të drejtorit të policisë Fier Ferdinand Mara.
Aktualisht Kastriot Hasalla ndodhet në komisariatin e Lushnjës ku po kryhen veprimet e mëtejshme.
"Arrestohet autori i tretë i ngjarjes së ndodhur në fshatin Garunjas, Lushnjë.
Në vijim të punës intensive dhe kontrolleve të pandërprera që prej mëngjesit të datës 29.07.2021 deri ditën e sotme, në banesa dhe në zona ku dyshohej se mund të ishte fshehur autori i tretë i ngjarjes së ndodhur në fshatin Garunjas, u bë arrestimi i shtetasit të shpallur në kërkim, K. H., 49 vjeç, banues në Garunjas, për veprat penale "Vrasje në rrethana cilësuese" e kryer në bashkëpunim dhe "Vrasje në rrethana cilësuese" e kryer në bashkëpunim, e mbetur në tentativë.
Materialet do i kalojnë Prokurorisë pranë Gjykatës së Shkallës së Parë Lushnjë, për veprime të mëtejshme.'- njofton policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
