Një person i cili qëlloi me armë zjarri në muajin maj të vitit kaluar, në drejtim të ish-deputetit Armando Prenga në lëvizje me automjet, vihet në prangat e policisë së Kurbinit.
Në zbatim të planit të masave të hartuar në kuadër të operacionit mbarëkombëtar “Sundimi i ligjit” për kapjen e personave në kërkim, nga shërbimet e Komisariatit të Policisë Kurbin në bashkëpunim edhe me Forcat Kombëtare të Sigurisë (FKS) bazuar në informacionet e siguruara nga inteligjenca policore mbi vendndodhjen në fshatin Gurëz, njësia administrative Fushe Kuqe, Kurbin, të një personi në kërkim, është organizuar puna operacionale ku si rezultat u kap dhe u ndalua shtetasi Fatbardh Ismaili 30 vjeç, banues në Fushe Kuqe, Kurbin.
30-vjeçari ishte shpallur në kërkim kombëtar pasi Gjykata e Shkallës së Parë Lezhë me vendim penal datë 25.05.2023, ka caktuar ndaj tij masën e sigurisë “arrest me burg” për veprat penale “Vrasje me dashje' mbetur në tentativë” dhe “Mbajtja pa leje dhe prodhimi i armëve, armëve shpërthyese e municioneve”.
Me datë 17 maj 2023, në Fushë Kuqe, i ndaluari Fatbardh Ismaili, ka qëlluar me armë zjarri në drejtim të automjetit në lëvizje të drejtuar nga shtetasi Armando Prenga 49 vjeç.
Materialet procedurale iu referuan Prokurorisë, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
