Vlorë, gjendet një tjetër kafkë njeriu në fshatin Kaninë

Një kafkë njeriu është gjetur ditën e sotme në qytetin e Vlorës. Kafka u gjet nga gazetari i News24, Enrik Mehmeti. Ngjarja ndodhi në fshatin Kaninë, afër vendit ku dje u gjet një tjetër kafkë. Lajmi është konfirmuar edhe nga policia.

Ajo është duke u dërguar për ekspertizë mjeko ligjore. Ende nuk ka detaje nëse i përket një femre apo mashkulli, dhe i cilës moshë. Pak kohë më parë në vendin ku u gjet kafka u kryen punime për zgjerimin e rrugës.

Kafka e gjetur dje 

Më datë 27.04.2017, rreth orës 15:54, pas Kalasë së Kaninës, në varrezat e këtij fshati, policia ka konstatuar një kafkë koke njeriu të dekompozuar. Nga këqyrja që i është bërë këtij skeleti, nuk është konstatuar asnjë shenjë dhunë apo dëmtim tjetër.

Kafka është dërguar në morgun e qytetit të Vlorës dhe i është venë në dispozicion mjekut ligjor me qëllim dërgimin e saj drejt Mjekësisë Ligjore Tiranë për veprimet e mëtejshme proceduriale. Materialet i kaluan Prokurorisë për “Vlerësim Juridik”.