Policia e Beratit njofton arrestimin e dy të rinjve, të cilët u kapën në flagrancë duke kultivuar kanabis në fshatin Osmëzezë.
Gjatë një kontrolli të territorit në vendin e quajtur “Moçali”, shërbimet e Komisariatit të Policisë Berat, në bashkëpunim me Forcën e Posaçme Operacionale të Drejtorisë Vendore të Policisë Berat, zbuluan një parcelë ku ishin kultivuar 64 bimë të dyshuara narkotike Cannabis Sativa.
Gjatë ndërhyrjes, u kapën në flagrancë në parcelë, shtetasit S. M., 29 vjeç dhe R. M., 26 vjeç, të afërm të njëri-tjetrit, të cilët në përfundim të veprimeve procedurale, u arrestuan për veprën penale “Kultivimi i bimëve narkotike”, kryer në bashkëpunim.
Gjithashtu, gjatë kontrollit të ushtruar në banesën e shtetasit S. M, u gjet dhe sekuestrua një armë gjahu çifte dhe disa fishekë të armës së gjahut.
Materialet procedurale iu referuan Prokurorisë së Beratit, për veprime të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
