OFL në Berat e Kukës, u çon formularin gjashtë të dënuarve për vjedhje me armë dhe vrasje  

Operacioni Forca e Ligjit ka qëndruar sot në Dibër, Kukës e Berat, për të dërguar formularët tek subjektet e radhës. Përmes njoftimit zyrtar, OFL-ja bën me dije se sot gjashtë subjekte të dënuar, kanë marrë ‘pusullën’ ku u kërkohet të vetëdeklarojnë të ardhurat dhe pasurinë e tyre.

Astrit Dedja, banues në Dibër, i dënuar për veprën penale “Vjedhja me armë”, e kryer në bashkëpunim;

Xhevahir Potja, banues në Kukës, i dënuar për veprën penale “Vjedhja me dhunë”, e kryer në bashkëpunim;

Ilir Tusha, banues në Kukës, i dënuar për veprën penale “Vjedhja me armë”, e kryer në bashkëpunim;

Lulzim Tusha, banues në Kukës, i dënuar për veprën penale “Vjedhja me armë”, e kryer në bashkëpunim;

Amarildo Çobo, banues në Berat, i dënuar për veprën penale “Trafikimi i armëve dhe i municionit”, i mbetur në tentativë;

Aleksandër Kuqo, banues në Berat, i dënuar për veprat penale “Shfrytëzimi i prostitucionit” dhe “Vrasja me paramendim”, e kryer në bashkëpunim.