Gjendet trupi i peshkatarit të mbytur në Karaburun

Gjendet trupi i pajetë i peshkatarit të zhdukur në det mbrëmjen e të mërkurës në Karaburun.

Kontrollet e rinisura në det mëngjesin e sotëm kanë bërë që të identifikohet 20 metra larg bregut në Gjrin e Dukatit në Karaburun, trupi i Mehmet Alirajt.

 Mbytet peshkatari në Karaburun, polumbarët në kërkim të trupit

Një peshkatar është mbytur në Karaburun. Viktima është  Mehmet Aliraj,  i moshës 60-vjeçare i cili kishte dalë ditën e djeshme për peshkim në zonën e Karaburunit dhe është mbytur.

Nga kërkimet paraprake personi në fjalë nuk është gjetur dhe kërkimet pasditen e djeshme janë ndërprerë për shkak të motit të paqëndrueshëm.

Sot kanë filluar përsëri kërkimet nga policia e Orikumit, Policia Kufitare dhe Polumbarët të cilët po punojnë për gjetjen e 60 vjeçarit.