Llabani: Jemi në ditën më të zezë të Policisë së Shtetit!

 

 

"Jemi në ditën më të zezë të Policisë së Shtetit. Duke filluar që te trajtimi i policit, që nga mënyra si e urdhërojmë për të bërë gjëra dhe për ta shfrytëzuar në maksimum, për ‘t’i nxjerrë lëngun’ kur i thonë! Kemi policë jo të inkriminuar, por  që janë më keq se ata që bëjnë krime. Nëse flasim për këtë urdhrin që është firmosur nga drejtori i përgjithshëm, unë s’e di nëse këto s’janë të bazuara në ligj dhe këta njerëz shkelin ligjin me të dyja këmbët, ku do shkojnë, s’e di. E dyta, përveç faktin që e detyrojnë të punojnë për orë shtesë pa u paguar, ne flasim për punonjës policie, po flas për Drejtorinë e Përgjithshme që nëse vonohen 3 minuta në punë, u hiqet dita e punës. Kjo ka kohë që është bërë, dhe askush prej tyre nuk nxirrte zë. Po flasim për një polici efiçente? Që futet edhe në protestë, përmbytje, zjarre, ruajtjen e qarkullimit, ndjekjen e krimit. Unë nuk mendoj se sot po flasim për Polici të mirëfilltë. Vera do jetë e nxehtë për arrestime. Uroj që të gjithë këto manovra, urdhra, të ketë ndonjë kontekst në aspektin e ndonjë operacioni që mund të bëhet nga Policia e Shtetit, të paktën të justifikojë qëllimin. Por nëse do të jetë e vërtetë, që punonjësi i policisë duhet të mbahet aty me urdhër të ministrit, drejtorit, se do kemi turistë, s’e di nëse punonjësit e policisë mund të shpërthejnë në një moment dhe ta denoncojnë një rast të tillë”.