Dhunë, vjedhje dhe ushtirim të lojrave të fatit, arrestohen 6 persona në Tiranë

Policia e Tiranës ka vënë në pranga 6 persona për disa vepra penale.

Burime nga policia bëjnë me dije se është arrestuar 30-vjeçari me iniziale E.M., pasi ka ushtruar dhunë ndaj bashkëshoretes, në banesën e tij në rrugën “Sulejman Delvina” .

Në kuadër të goditjes së aktiviteteve të paligjshme, është arrestuar A.Sh., 43 vjeç pasi është konstatuar se në lokalin e marrë me qeraj prej tij ushtrohej aktiviteti i lojrave të fatit nëpërmjet 2 kompjuterave dhe 2 pajisjeve android të sekuestruara më pas nga policia si prova materiale.

Është bërë gjithashtu arrestimi në flagrancë i shtetasit M.M, 33 vjeç, pasi në rrugën “Spiro Çipi”, ka vjedhur banesën e shtetasit I.K, ku ka marrë disa sende shtepiake.

Ndërkohë që nga Specialistët e Qarkullimit Rrugor u bë arrestimin në flagrancë I A.M., 45 vjeç, M.Ll., 38 vjeç, dhe G.D., 40 vjeç, pasi janë kapur në flagrancë nga shërbimet e Policisë duke drejtuar mjetet përkatëse në gjendje të dehur.