Taulant Malaj, 45-vjeçari shqiptar që akuzohet për vrasjen e vajzës së tij dhe fqinjit italian, pritet të dalë para gjykatës në Itali ditën e mërkurë. Masakra ndodhi mesnatën e së shtunës, ndërsa shkak për të ishte bërë xhelozia e Taulantit, i cili dyshonte se bashkëshortja e cila mbeti e plagosur nga kjo ngjarje, e tradhëtonte me fqinjin viktimë, Massimo De Santis, 51 vjeç.
Ngjarja e rëndë ndodhi në pallatin ku jetonin çifti Malaj dhe De Santis, në Torremaggiore të Foggia-s. ANSA shkruan se, bashkëshortja e autorit të dyshuar, 39-vjeçarja Tefta Malaj, ndodhet në spital në gjendje të stabilizuar shëndetësore. Megjithatë hetuesit nuk kanë mundur të marrin ende dëshminë e saj për shkak të gjendjes së rënduar psikologjike. Dëshminë ata pritet ta marrin pas të premtes.
Ndërkohë, nga veprimet hetimore, ka rezultuar se 16-vjeçarja ka humbur jetën si pasojë e të paktën 10 goditjeve me thikë, ndërsa 51-vjeçari u godit rreth 20 herë. Të dy ndërruan jetë në vendngjarje. Dëshmitar i këtij krimi të rëndë ishte edhe djali 5 vjeç i autorit, i cili ndodhet në gjendje shoku.
“Një ditë, Massimo i bëri xhiro gruas time me Maseratin e tij”, është shprehur Malaj para hetuesve.
Malaj është shprehur se shpesh gruaja dhe italiani hanin bashkë dhe se me telefonin e tij u kishte bërë edhe video teksa drekonin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
