Forcat speciale RENEA kanë mbërritur në orët e para të mëngjesit të sotëm në qarkun e Elbasanit, duke ushtruar kontrolle në territor.
Zbarkimi i forcave RENEA në Elbasan, vjen në vijim të kontrolleve në zbatim të planit operacional për kapjen e personave të shpallur në kërkim në kuadër të operacionit të koduar “Plumbi i artë”.
Gjatë këtij operacioni u firmosën 32 urdhër-arreste, prej të cilave 18 janë ekzekutuar, ndërkohë që 14 persona të tjerë vijojnë të jenë në kërkim.
Operacioni në fjalë u zhvillua më 19 maj dhe gjatë tij, u vu në pranga edhe shefi i krimeve në policinë e Lezhës, Leonard Palushi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
